2020թ. սեպտեմբերի 15-17-ը «ՄԵՐԻԴԻԱՆ» Էքսպո կենտրոնում կկայանա ՀոՌեԿա ոլորտի համալիր մատակարարման և սպասարկման եվրասիական երրորդ ցուցահանդեսը՝ «RestHotel Services» էքսպոն:

​

«HoReCa Expo»-ն ավանդաբար միավորում է եվրասիական լավագույն ու առաջատար ընկերություններին, որոնք մատակարարում են ոլորտում կիրառվող սարքավորումներ, տեքստիլ, սպասք, գույք և սպասարկման պարագաներ:  Ցուցահանդեսի շնորհիվ հյուրանոցային և ռեստորանային բիզնեսի հայաստանյան ներկայացուցիչներն ամեն տարի գործնական կապեր են հաստատում և շահավետ պայմանագրեր կնքում եվրասիական առաջատար արտադրողների հետ:

​

«Rent Expo»-յի նպատակն է նպաստել Հայաստանի հյուրանոցային և ռեստորանային բիզնեսի զարգացմանն ու ընդլայնմանը: Հենց այդ է պատճառը, որ ընկերությունն արդեն երրորդ անգամ կազմակերպում է հյուրանոցառեստորանային բիզնեսի համալիր մատակարարմանն ու սպասարկմանը նվիրված «HoReCa Expo» մասնագիտացված  ցուցահանդեսը, որն այս տարի կրում է «RestHotel Services» անունը:  Ցուցահանդեսը կոչված է աջակցելու տարածաշրջանում հյուրանոցառեստորանային ոլորտի զարգացմանը, ինչպես նաև նպաստելու նոր ներդրումների և զբոսաշրջիկների ներգրավմանը:

​

Այս միջոցառումը հարմար հարթակ է Հայաստանի հյուրանոցային ու ռեստորանային բիզնեսի ներկայացուցիչների և ԵԱՏՄ անդամ պետությունների արտադրողների գործնական շփման համար:

​

2017-2019 թթ. ցուցահանդեսին մասնակցել է ավելի քան 700 ընկերություն: Ցուցահանդես է այցելել  մինչև 20.000 մարդ, որոնցից ավելի քան 85%-ը՝ ոլորտի ղեկավարներ ու մասնագետներ, բիզնեսի սեփականատերեր։